ເມືອງບໍລົມສຸກະເສີມ
ຂ້າພະເຈົ້າຢາກຈະບອກໃຫ້ທ່ານຮູ້ເຖິງເມືອງປະລາດອັດສະຈັນ ເມືອງໜຶ່ງທີ່ບໍ່ມີນ້ຳຕາຫຼືການເຈັບອົກເຈັບໃຈ ເມືອງເຊິ່ງບໍ່ມີການປ່ວຍໄຂ້ ການເຈັບປວດຫຼື ຄວາມຕາຍ ປະຊາຊົນທີ່ຢູ່ໃນເມືອງນີ້ບໍ່ມີການເມື່ອຍເລີຍ ເຂົາບໍ່ຕ້ອງການແບກວຽກແລະເຂົາບໍ່ຮູ້ຈັກແກ່ ບໍ່ມີໃຜເຄີຍກ່າວຄຳອຳລາກັນແລະກັນ ເພາະບໍ່ມີການທີ່ຈະຕ້ອງແຕກແຍກຈາກກັນແລະບໍ່ມີຄວາມຜິດຫວັງໃດ ໆ ທັງສິ້ນ.
ເມືອງທີ່ຂ້າພະເຈົ້າກຳລັງກ່າວນີ້ບໍ່ມີກິເລດບາບເພາະບໍ່ມີຈັກຄົນເຮັດຜິດເຮັດຊົ່ວເລີຍ ບໍ່ມີເຫດໃດ ໆ ຖ້າທ່ານຈະເດີນທາງໄປຕັ້ງພັນກິໂລແມັດທ່ານຈະບໍ່ໄດ້ເຫັນປາແຮ່ວຫຼືພິທີການເຜົາສົບ ບໍ່ມີຜູ້ເຮັດໂຮງມ້ຽນສົບ ທີ່ນັ້ນຈະບໍ່ຕ້ອງການຄົນຂຸດຂຸມຝັງສົບຫຼືບໍ່ຕ້ອງການຫີບໃສ່ສົບເພາະບໍ່ມີຄົນຕາຍ ເສື້ອຜ້າທີ່ເຂົາໃສ່ຈະສວ່າງສຸກໃສ ສ່ອງແສງເລື່ອມ ໆ ຈະບໍ່ມີຜູ້ໃດແຕ່ງຕົວໄວ້ທຸກເລີຍ.
ນີ້ເປັນເມືອງທີ່ບໍ່ມີສິ່ງໃດເນົ່າເປື່ອຍແລະບໍ່ປ່ຽນແປງ ກິ່ນດອກໄມ້ກໍບໍ່ຫາຍຫອມ ໃບໄມ້ກໍຂຽວຢູ່ເປັນນິດ ບໍ່ມີຟ້າຮ້ອງ ບໍ່ມີພູໄຟແຕກແລະບໍ່ມີແຜ່ນດິນໄຫວ ບໍ່ມີພາຍຸແຮງແລະບໍ່ມີຟອງໃຫຍ່ຕີຝັ່ງທີ່ງາມນັ້ນເລີຍ ບໍ່ມີແມ່ພຍາດຫຼືໄຂ້ຕ່າງ ໆ ບໍ່ມີພະຍາດຕິດຕໍ່ຢ່າງໃດ ບໍ່ມີແສງແດດແຕ່ກໍຍັງສວ່າງຢູ່ຕລອດເວລາ ເພາະບໍ່ມີກາງຄືນ ໃນເມືອງນັ້ນຈະບໍ່ຮ້ອນຫຼາຍຫຼືໜາວຫຼາຍອາກາດຈະພຽງພໍສະບາຍສະເໝີ ທ້ອງຟ້າຜ່ອງໃສ ບໍ່ມີເມກມືດບັງແລະພາຍຸຮ້າຍກໍບໍ່ພັດຜ່ານ.
ບໍ່ມີຄົນເມົາເຫຼົ້າໃນເມືອງນີ້ ເພາະບໍ່ມີຜູ້ໃດເຄີຍດື່ມເຫຼົ້າ ບໍ່ມີຄົນຜິດສິນທຳຊາຍແລະຍິງທຸກຄົນບໍລິສຸດເໝືອນກັນ ບໍ່ມີເດັກນ້ອຍທີ່ເກີດນອກກົດໝາຍ ບໍ່ມີຄຸກຫຼືໂຮງຮຽນດັດສັນດານເຊິ່ງສະແດງເຖິງຄວາມເສື່ອມຂອງເມືອງນີ້ ປະຕູບ້ານບໍ່ຕ້ອງມີຂໍກະແຈ ປ່ອງຍ້ຽມບໍ່ຕ້ອງມີເຫຼັກກັນຂະໂມຍເພາະວ່າບໍ່ມີຂະໂມຍຫຼືໂຈນ ໜັງສືເຊິ່ງເຕັມໄປດ້ວຍຣາຄະຕັນຫາຕ່າງ ໆ ບໍ່ມີອ່ານແລະຮູບປະຈານຂາຍໜ້າຕ່າງໆ ກໍບໍ່ໄດ້ເຫັນ ບໍ່ຕ້ອງເສຍພາສີອາກອນຫຼືເສຍຄ່າເຊົ່າເລີຍ ເປັນເມືອງທີ່ພົ້ນຈາກການເສິກສົງຄາມແລະພົ້ນຈາກເລືອດຕົກຢາງອອກ.
ແຕ່ຂໍໃຫ້ຂ້າພະເຈົ້າໄດ້ບອກທ່ານຕໍ່ໄປອີກຈັກໜ້ອຍເທ້ີນ ບໍ່ມີຄົນເສຍອົງຄະທີ່ຈະພົບເຫັນຈັກແຫ່ງໜຶ່ງ ບໍ່ມີຄົນຜິດປັກກະຕິຫຼືຄົນງ່ອຍ ບໍ່ມີຈັກຄົນໜຶ່ງຕາບອດຫູໜວກຫຼືເປັນໃບ້ ບໍ່ຕ້ອງຕັ້ງສູນກາງຮັກສາຄົນເຫຼົ່ານີ້ເພາະເຂົາມີຮ່າງກາຍສົມບູນສຸກສະບາຍແລະແຂງແຮງ ຈະບໍ່ພົບຄົນຂໍທານຕາມທາງຫຼືຄົນອົດຢາກອະນາຖາ ເພາະທຸກຄົນມີທຸກສິ່ງບໍລິບູນ ຄົນໃນເມືອງນີ້ບໍ່ເຄີຍໄດ້ເປັນພະຍາດຂີ້ທຸກ ພະຍາດຊີ້ນປົ່ງ ເປັນເປ້ຍແລະພະຍາດປອດແຫ້ງເລີຍ ຈິ່ງບໍ່ຕ້ອງການໂຮງໝໍແລະບໍ່ມີໂຮງໝໍພະຍາດຈິດເພາະບໍ່ມີຄົນສະຕິເສຍ.
ແຕ່ທ່ານຈະຖາມຂ້າພະເຈົ້າວ່າເປັນຫຍັງຂ້າພະເຈົ້າຈິ່ງຮູ້ໝົດຢ່າງນີ້ ຂ້າພະເຈົ້າເຄີຍໄປມາແລ້ວຫຼື ບໍ່ແມ່ນຊັ້ນ ຂ້າພະເຈົ້າຍັງບໍ່ມີສິດທີ່ຈະໄດ້ໄປຍ້ຽມເມືອງມະຫາອັດສະຈັນທີ່ຂ້າພະເຈົ້າເວົ້າເຖິງນີ້ດອກ ແຕ່ມີຜູ້ທີ່ເຄີຍຢູ່ທີ່ນັ້ນມາດົນນານ ທ່ານຜູ້ນັ້ນຄືພຣະເຢຊູຄຣິດພຣະອົງໄດ້ມາແລ້ວແລະໄດ້ຊົງບອກແກ່ຂ້າພະເຈົ້າເຖິງເມືອງນີ້ມາກຫຼາຍ ພຣະອົງຊົງກ່າວວ່ານີ້ແຫຼະເມືອງບໍລົມສຸກະເສີມ ນີ້ແຫຼະສະຫວັນພຣະອົງໄດ້ກ່າວເຖິງລັກສະນະຂອງເມືອງນັ້ນວ່າ.
“ເບິ່ງແມ໋ທີ່ສະຖິດຂອງພຣະເຈົ້າກໍຕັ້ງຢູ່ກັບມະນຸດແລ້ວພຣະອົງຈະຊົງສະຖິດຢູ່ກັບເຂົາ ເຂົານັ້ນແຫຼະໄພ່ພົນຂອງພຣະອົງແລ້ວພຣະເຈົ້າເອງແຫຼະຈະຊົງສະຖິດຢູ່ກັບ
ເຂົາຈະຊົງເຊັດນ້ຳຕາທຸກ ໆ ຍົດຈາກຕາຂອງເຂົາ ແລ້ວຄວາມຕາຍຈະບໍ່ມີຕໍ່ໄປ ຊ້ຳຄວາມໂສກເສົ້າກໍດີ ຄວາມຮ້ອງໄຫ້ກໍດີ ຫຼືຄວາມເຈັບປວດກໍຈະບໍ່ມີຕໍ່ໄປເພາະວ່າສິ່ງທີ່ມີຄາວກ່ອນນັ້ນກໍລ່ວງໄປແລ້ວ”.
ທ່ານຢາກເຂົ້າໄປຢູ່ໃນເມືອງມະຫາອັດສະຈັນ ເມືອງບໍລິສຸດເຊິ່ງບໍມີການເກີດແກ່ເຈັບຕາຍນີ້ບໍ່ຈົ່ງຈັດແຈງໃຫ້ພ້ອມແຕ່ດຽວນີ້ ສິ່ງທີ່ທ່ານຕ້ອງເຮັດກໍຄືເປີດຈິດໃຈ ທູນຂໍພຣະເຢຊູຄຣິດຜູ້ຊົງປົກຄອງເມືອງນັ້ນໃຫ້ສະເດັດເຂົ້າມາໃນຈິດໃຈດຽວນີ້ ເມື່ອຊີວິດຂອງທ່ານາເຖິງທີ່ສຸດປາຍແລ້ວທ່ານກໍຈະໄດ້ໄປຢູ່ໃນເມືອງມະຫາອັດສະຈັນນີ້ແລະຈະຢູ່ທີ່ນັ້ນຕະລອດໄປເປັນນິດ ທ່ານຈະຍອມຮັບພຣະເຢຊູບໍ່ເຊີນຮັບພຣະອົງ.
“ໃນຜາສາດພຣະບິດາຂອງເຮົາມີບ່ອນຢູ່ຫຼາຍບ່ອນ...ເຮົາໄປຈັດແຈງບ່ອນສຳຫຼັບພວກທ່ານແລ້ວ.”
“ເພາະວ່າພຣະເຈົ້າຊົງຮັກມະນດຸສະໂລກພຽງນັ້ນຈົນໄດ້ປະທານໃຫ້ຍັງພຣະຣາຊບຸດອົງດຽວຂອງພຣະອົງເພື່ອທຸກຄົນທີ່ໄວ້ເນື້ອເຊື່ອໃຈໃນພຣະບຸດນັ້ນຈະບໍ່ໄດ້ຈິບຫາຍ ແຕ່ວ່າຈະມີຊີວິດອັນຕະລອດໄປເປັນນິດ.”
“ແຕ່ວ່າຄົນທັງຫຼາຍທຸກຄົນທີ່ໄດ້ຕ້ອນຮັບພຣະອົງ ພຣະອົງຊົງໂຜດໃຫ້ມີສິດຈະກາຍເປັນລູກຂອງພຣະເຈົ້າຄືຄົນທັງຫຼາຍທີ່ໄວ້ວາງໃຈໃນພຣະນາມຂອງພຣະອົງ.”
“ດ້ວຍວ່າທີ່ທ່ານທັງຫຼາຍໄດ້ຖືກຊົງໂຜດໃຫ້ພົ້ນນັ້ນກໍຍ້ອນດ້ວຍທາງຄວາມເຊື່ອແລະອັນນີ້ບໍ່ແມ່ນຈາກທ່ານ ແມ່ນຂອງພຣະຣາຊທານຈາກພຣະເຈົ້າ ບໍ່ແມ່ນຍ້ອນການປະຕິບັດ ຢ້ານວ່າຈະມີຜູ້ໃດໜຶ່ງຜູ້ໃດອວດຕົວໄດ້.”
“ໃນຜູ້ອື່ນໃດ ໆ ຄວາມພົ້ນກໍບໍ່ມີ ບໍ່ມີນາມຊື່ອື່ນໃດ ໆ ທົ່ວໃຕ້ຟ້າທີ່ຊົງໂຜດປະທານແກ່ມະນຸດສະໂລກເພື່ອເຮົາທັງຫຼາຍຈະຕ້ອງໄດ້ພົ້ນ.”
ເຊີນທ່ານຜູ້ສົນໃຈຕິດຕໍ່ທີ່ ຄຣິສຕະຈັກທີ່ມີຢູ່ໃກ້ທ່ານ